काठमाडौं । अमेरिकाले २७ वर्षपछि मिसाइल परीक्षणको तयारी गरेको छ ।

चीन, रुस लगायतका मुलुकले बेलारबेला मिसाइल परीक्षणको समाचार आइरहेका बेला अमेरिकाले पनि मिसाइल परीक्षणको गृहकार्य गरेको वासिङ्टन पोष्टले जनाएको छ ।

यदी अमेरिकाले मिसाइल परीक्षण गरेमा यो सन् १९९२ पछिको पहिलो हुनेछ भने आणविक हतियारको प्रतिष्पर्धा सुरु हुने विश्लेषण हुन थालेका छन् । एक वरिष्ठ प्रशासनिक अधिकारी र दुई पूर्व अधिकारीलाई उद्धृत गर्दै वासिङ्टन पोष्टमा प्रकाशित समाचार अनुसार मिसाइल परीक्षणको छलफल गत मे १५ मा नै भएको उल्लेख छ ।

पछिल्लो समय अमेरिका र चीनबीच कोरोनाभाइरस महामारीलाई लिएर थप तिक्तता उत्पन्न भइरहेका बेला चीनले समेत रक्षा बजेट बढाइसकेको छ ।