जनकपुर, कोरोनाभाइरसको संक्रमणबाट बच्न नेपाल सरकारद्वारा जारी गरिएको लक डाउनको समयमा जनकपुरमा कालोबजारी गरेको आरोपमा ३ जना पक्राउ परेका छन् ।

जनकपुर स्थित बजार अनुगमनको क्रममा विभिन्न चोकमा संचालनमा रहेका पसलहरुमा छापा मार्दा उपभोक्तालाई बढी मूल्यमा आलु र प्याज बेचेको पाइएपछि उनीहरुलाई प्रहरी टोलीले पक्राउ गरेको हो।

पक्राउ पर्नेमा जनकपुरधाम वडा नम्बर ४ वस्ने प्रदिप अग्रवाल, जनकपुरधाम वडा नम्बर ४ बस्ने अंकित साह र जनकपुरधाम वडा नम्बर ४ वस्ने बिकाश कुमार साह रहेका छन्। उनीहरुलाई जनकपुरका छुट्टाछुट्टै स्थानबाट पक्राउ गरिएको प्रहरीले जनाएको छ ।