एजेन्सी, पाकिस्तानको हवाई फौज (पिएएफ) को लडाकू विमान एफ–१६ राजधानी इस्लामावादस्थित एउटा पार्क नजिकै दुर्घटनामा परेको छ। पिएएफले विज्ञप्ति जारी गर्दै उक्त विमानले आउँदो मार्च २३ तारिखका दिन हुन लागेको राष्ट्रिय दिवसका लागि पूर्वाभ्यास गर्दै गरेको जनाएको छ।

सङ्ग्रहालय, गल्फ क्लब र रङ्गशाला नजिकै रहेको शाकरपरियन क्षेत्रलाई प्रहरी र सुरक्षा फौजले लामबद्ध भएर घेरेका छन्।पिएएफले उक्त दुर्घटनामा विमानचालक विङ्ग कमाण्डर नोमन अक्रमको मृत्यु भएको जनाएको छ। हवाई फौजले उक्त दुर्घटना के कारणले भएको थियो भन्ने जाँचबुझका लागि पनि निर्देशन दिइसकेको जनाएको छ।