नयाँ दिल्ली । भारतमा एक जना बिजुलीको बिल तिर्नका लागि सिक्कै सिक्काले भरिएको थैलो लिएर विद्युत् कार्यालय पुगेका छन्। यो भारतको हाथरस भन्ने ठाउँको चिलर प्लान्टमा तिर्नु पर्ने विद्युत् महसुलको कुरा हो। त्यहाँ ती युवाले ११ लाख बक्यौता तिर्नु पर्ने रहेछ। त्यसैले उनी एउटा थैलोमा सिक्का मात्र लिएर विद्युत् कार्यालय पुगे।

सहरको चर्चित चिलर प्लान्टले पैसा नतिरेको थुप्रै समय भएको रहेछ। तर, विद्युत् कार्यालयले उनको पैसा लिन मानेन्। चिलर प्लान्टका म्यानेजरले चाहिँ आफ्नोमा दूध र बर्फ बेच्दा सिक्का मात्र आउने भएकाले त्यही पैसा तिर्न खोजिएको बताएका छन्।

उनले सिक्काबाट नै सबै पार्टीलाई अहिलेसम्म भुक्तानी गर्दै आएको बताएका छन्। यसअघि पनि विद्युत् कार्यालयले सिक्कामात्र दिँदा भुक्तानी नलिएको उनले बताएका छन्। एजेन्सी