काठमाडौं, संस्कृति, पर्यटन तथा नागरिक उड्डयन मन्त्री योगेश भट्टराईले भ्रमण वर्ष–२०२० का सम्बन्धमा देशबाहिर भइरहेका सबै कार्यक्रम स्थगित गरिएको बताउनु भएको छ ।

शनिबार आयोजित एक कार्यक्रममा मन्त्री भट्टराईले कोरोना भाइरस संक्रमणका कारण विदेशमा भ्रमण वर्षको प्रचार–प्रसारसहित अन्य औपचारिक कार्यक्रमहरू स्थगन गरिएको बताउनु भएको हो ।

उहाँले भ्रमण वर्ष –२०२० लाई आन्तरिक भ्रमण वर्षमा रुपान्तरण गर्ने कि भनेर सोचिरहेको समेत जनाकारी गराउनुभयो । जसका लागि योजना बनाउने कार्य भैइरहेको समेत बताउनुभयो ।

कोरोनाको महामारी विश्वभर फैलिरहँदा अब आन्तरिक पर्यटनलाई नै प्रवर्द्धन गर्नुपर्ने भट्टराईको धारणा थियो। उहाँले चाँडै नै आन्तरिक पर्यटन प्रवर्द्धनका नयाँ प्याकेज मन्त्रालयले सार्वजनिक गर्ने पनि बताउनुभयो ।