भक्तपुर, बैकिङ कसुर मुद्दामा फरार रहेका एक जनालाई महानगरीय प्रहरी परिसरका प्रहरीले असोज १ गते पक्राउ गरी कारागार कार्यालय नख्खु, ललितपुर पठाइएको छ ।

पक्राउ पर्नेमा नंखेल गा.वि.स. ७ का हाल सुर्यबिनायक नगरपालिका–९ नंखेल बस्ने ४७ वर्षिय प्रकाश राज खत्री रहेका छन् । उनी अदालतबाट भएका कैद तथा जरिवाना फैसलाको कार्यान्वयन गर्ने सिलसिलामा बैकिङ कुसर मुद्दामा तत्कालिन पुनराबेदन अदालत पाटनको मिति २०७१/०१/२९ गते भएको फैसला बमोजिम तीन बर्ष कैद र आठ करोड पचास लाख रुपैया जरिवाना फैसला भई फरार रहेका थिए ।

अदालतमा पेश गरिएकोमा उनलाई जरिवाना वापतको रकम नबुझाएकाले सो जरिवाना वापत थप दश बर्ष कैद सजायको लागि ठेकी जम्मा तेह्र बर्ष कैद भुक्तान गर्नका लागी कारागार पठाएको हो ।