५ असोज २०८३ काठमाडौं — रिलायबल नेपाल लाइफ इन्स्योरेन्स कम्पनीले व्यतित बीमालेखको विलम्ब शुल्कमा शतप्रतिशत छुट दिने भएको छ। कम्पनीले असोज ५ गतेदेखि असोज १९ गतेसम्म पुनर्जागरण गरी नविकरण गर्ने बीमालेखमा विलम्ब शुल्कमा १०० प्रतिशत छुट दिने जनाएको हो।

कम्पनीबाट जारी भएका बीमालेखको नविकरण बीमाशुल्क भुक्तानी गर्न छुटेका बीमितले उक्त अवधिमा बीमालेख पुनर्जागरण गरी छुट सुविधा लिन सक्नेछन्।

बीमाशुल्क अनलाइन कनेक्ट आईपीएस, इसेवा र खल्तीमार्फत भुक्तानी गर्न सकिने कम्पनीले जनाएको छ। यो छुट सुविधा बीमा अवधिभरमा एक पटक मात्रै प्रदान गरिने कम्पनीले स्पष्ट पारेको छ।