काठमाडौं । भोटेकोशी तथा त्रिशुली नदीमा आएको विनाशकारी बाढीका कारण प्रभावित तथा घरवारविहिन  भएका परिवारहरुलाई राहत सहयोग पुर्याउने उद्देश्यले प्रभु बैंकका संचालक तथा कर्मचारीहरुले स्वेच्छिक रुपमा संकलन गरेको रु. ४० लाख ८० हजार ५० पचास प्रधानमन्त्री दैवी प्रकोप उद्घार कोषमा सहयोग गरेका छन् ।

विपद्को यस कठिन घडिमा प्रभावित नागरिकको राहत उद्घार तथा पुनस्र्थापनामा सहयोग पुर्याउने उद्देश्यले बैंकका संचालक तथा कर्मचारीहरुको तर्फ बाट संकलित उक्त रकमको चेक बैंकका प्रमुख कार्यकारी अधिकृत सुमन शर्माले  अर्थमन्त्री स्वर्णिम वाग्लेलाई अर्थ मन्त्रालयमा चेक हस्तान्तरण गरेबा हुन् ।

यसअघि पनि बाढीबाट प्रभावित परिवारलाई राहत  उपलब्ध गराउने उद्देश्यले प्रभु बैंकले १०० थान टेन्ट तथा १०० थान स्लिपिङ्ग व्याग जिल्ला प्रशासन कार्यालय,नुवाकोटमाफ्र्mत प्रभावित परिवारलाई उपलब्ध गराइएको थियो ।त्यसैगरी प्रभु बैंकले आफ्नो संस्थागत सामाजिक उत्तरदायित्वअन्तर्गत रु. २ करोड ११ लाख ११ हजार १११ सय प्रधानमन्त्री दैवी प्रकोप उद्धार कोषमा जम्मा हुने गरी सहयोग रकमको चेक समेत हस्तान्तरण गरिएको छ ।

बैंकले प्राकृतिक विपद्का कारण ज्यान गुमाउने स्वदेशी तथा विदेशी नागरिकहरुप्रति श्रद्धाञ्जली व्यक्त गरेको छ । साथै सम्पर्क विहिन नागरिकहरुहरुको शीघ्र उद्धार तथा घाइतेहरुको  स्वास्थ लाभको कामना गर्दै विपदबाट प्रभावित सम्पुर्ण समुदायप्रति बैंकले गहिरो समवेदना व्यक्त गरेको छ ।

प्रभु बैंकले विपद्को यस कठिन घडिमा प्रभावित नागरिक तथा समुदायको  राहत उद्धार र पुनस्र्थापनाका प्रयासमा  आफ्नो सामाजिक उत्तरदायित्व लाई निरन्तरता दिनेप्रतिबद्घता व्यक्त गरेको छ ।