११ भदौ २०८३ काठमाडौं – प्रधानमन्त्री बालेन शाह बिहीबार बिहानै बाढी प्रभावित क्षेत्र नुवाकोटको विदुरतर्फ स्थलगत निरीक्षणका लागि प्रस्थान गरेका छन्। प्रधानमन्त्री शाहसँगै पूर्वाधार विकासमन्त्री सुनिल लम्साल पनि निरीक्षण टोलीमा सहभागी छन्। उनीहरू बिहान साढे ९ बजे सडकमार्ग हुँदै बाढीबाट प्रभावित मुख्य क्षेत्रमध्ये एक विदुरतर्फ प्रस्थान गरेका हुन्।

प्रधानमन्त्री शाहले बाढीबाट भएको क्षति, उद्धार तथा राहतको अवस्थाबारे स्थलगत जानकारी लिने बताइएको छ। बुधबार रसुवाको भोटेकोशी नदीमा आएको विनाशकारी बाढीले नदी तटीय क्षेत्रका विभिन्न बस्तीमा ठूलो जनधनको क्षति पुर्‍याएको छ। बाढीपछि प्रभावित क्षेत्रमा खोज, उद्धार तथा राहत वितरण कार्य जारी छ।