२८ साउन २०८३ काठमाडौं – नेपाली कांग्रेसका निवर्तमान सभापति तथा पूर्वप्रधानमन्त्री शेरबहादुर देउवा स्वदेश फर्किएका छन्। देउवा बिहीबार दिउँसो साढे १२ बजे थाइल्यान्ड हुँदै त्रिभुवन अन्तर्राष्ट्रिय विमानस्थलमा अवतरण गरेका हुन्।

उपचारका लागि विदेश गएका उनी करिब पाँच महिनापछि काठमाडौं फर्किएका हुन्। गत भदौ २४ गते भएको जेनजी आन्दोलनका क्रममा गम्भीर घाइते भएपछि देउवा पत्नी तथा कांग्रेस नेतृ आरजु राणा देउवासँगै उपचारका लागि सिंगापुर गएका थिए। उपचारपछि उनी थाइल्यान्ड हुँदै बिहीबार काठमाडौं फर्किएका हुन्।

देउवालाई स्वागत गर्न नेपाली कांग्रेसको संस्थापनइतर समूहका नेता तथा कार्यकर्ता त्रिभुवन अन्तर्राष्ट्रिय विमानस्थल पुगेका थिए। विमानस्थलमा नेता तथा कार्यकर्ताले उनलाई स्वागत गरेका थिए।