११ साउन २०८३ काठमाडौं – काठमाडौं र धादिङलाई जोड्ने मुलुककै पहिलो व्यवस्थित नागढुंगा–सिस्नेखोला सुरुङ मार्ग सोमबार उद्घाटन गरिएको छ।करिब २९ अर्ब रुपैयाँ लागतमा निर्माण भएको २.६८ किलोमिटर लामो मुख्य सुरुङको उद्घाटन पूर्वाधार विकास मन्त्री सुनिल लम्सालले जापानी प्रतिनिधिहरूको उपस्थितिमा गरेका हुन्।

पहिलो चरणमा आपत्कालीन सवारीले मात्र सुरुङ प्रयोग गर्न पाउनेछन् भने अन्य निजी तथा सार्वजनिक सवारीलाई चरणबद्ध रूपमा सञ्चालनमा ल्याइनेछ।

२०७६ कात्तिकमा शिलान्यास गरिएको आयोजना कोभिड–१९ र मुआब्जा विवादका कारण ढिलो सम्पन्न भएको हो। सुरुङमार्गमा पैदलयात्री, दुईपाङ्ग्रे तथा प्रज्वलनशील पदार्थ बोकेका सवारीलाई प्रवेश निषेध गरिएको छ भने विभिन्न सवारीका लागि टोल शुल्क समेत निर्धारण गरिएको छ।