३० जेठ २०८३ काठमाडौं – एपोलो हाइड्रोपावर लिमिटेडको ४७ लाख कित्ता साधारण शेयर यस हप्ता नेपाल स्टक एक्सचेञ्ज (नेप्से) मा सूचीकृत भएको छ। कम्पनी र नेपाल स्टक एक्सचेञ्ज (नेप्से)बीच जेठ २५ गते प्रतिकित्ता १०० रुपैयाँ अंकित मूल्यका ४७ लाख कित्ता शेयर सूचीकृत गर्ने सम्झौता भएको थियो।

सूचीकृत शेयरमध्ये सर्वसाधारणलाई जारी गरिएको १४ लाख १० हजार कित्ता अर्थात् ३० प्रतिशत र संस्थापक शेयरधनीको लगानी रहेको ३२ लाख ९० हजार कित्ता अर्थात् ७० प्रतिशत शेयर रहेका छन्।

शेयर सूचीकरणसँगै कम्पनीको धितोपत्र दोस्रो बजारमा कारोबारका लागि आवश्यक प्रक्रिया पूरा भएको छ। नेप्सेले कारोबार सुरु गर्ने मिति र पहिलो कारोबारका लागि मूल्य सीमा भने पछि निर्धारण गर्नेछ।

कम्पनीको शेयर सूचीकृत भएसँगै लगानीकर्ताले दोस्रो बजारमार्फत खरिद–बिक्री गर्न सक्ने बाटो खुलेको छ।