१८ जेठ २०८३ काठमाडौं – अर्थमन्त्री स्वर्णिम वाग्लेले ल्याएको बजेटले पूँजी बजारमा उत्साह ल्याउन नसक्दा शेयर बजार निरन्तर दबाबमा देखिएको छ। नयाँ कर नीतिको प्रभाव र लगानीकर्ताको घट्दो मनोबलका कारण बिक्री चाप बढेको विश्लेषण गरिएको छ।

सोमबार नेपाल स्टक एक्सचेञ्ज (नेप्से) २६.७२ अंकले घटेर २७५५.३७ बिन्दुमा झरेको छ। ३४९ कम्पनीको १ करोड ३३ लाख ८३ हजार कित्ता शेयर कारोबार हुँदा ५ अर्ब ६१ करोड ४३ लाख रुपैयाँ बराबरको कारोबार भएको छ।

यसदिन ११ वटा उपसूचक घटेका छन् भने निर्जीवन बीमा र अन्य समूह मात्रै हरियालीमा देखिएका छन्।