१५ जेठ २०८३ काठमाडौं – सरकारले आगामी आर्थिक वर्ष २०८३/८४ को वार्षिक बजेट पारित गर्न आज मन्त्रिपरिषद् बैठक बोलाएको छ । प्रधानमन्त्रीको सरकारी निवास बालुवाटारमा दिउँसो २ः३० बजे बस्ने बैठकले बजेट स्वीकृत गर्ने तयारी गरेको हो ।

अर्थमन्त्री स्वर्णिम वाग्ले ले आज दिउँसो ४ बजे संघीय संसद्को संयुक्त बैठकमा आगामी आर्थिक वर्षको आय–व्यय विवरण (बजेट) प्रस्तुत गर्ने कार्यसूची रहेको छ ।

संवैधानिक व्यवस्था अनुसार संसद्मा पेश गर्नुअघि बजेट मन्त्रिपरिषद्बाट अनुमोदन गरिने व्यवस्था छ । सरकारले चालु आर्थिक अवस्था, विकास खर्च, राजस्व संकलन, सामाजिक सुरक्षा तथा पूर्वाधार विकासलाई प्राथमिकतामा राख्दै बजेट ल्याउने तयारी गरेको जनाएको छ ।