२ भदौ २०८३ काठमाडौं – सरकारले सञ्चालन गरेको करदाता प्रोत्साहन उपहार कार्यक्रममा उपभोक्ताको सहभागिता दोस्रो चरणमा करिब ५० गुणाले बढेको छ। साउनको पहिलो १५ दिनमा ७ हजार ७७ वटा बिल दर्ता भएकोमा दोस्रो चरणमा साउन १६ देखि ३१ गतेसम्म ३ लाख ५७ हजार १४४ वटा बिल दर्ता भएका छन्।

दोस्रो चरणमा एक जना बम्पर विजेतासहित १७ जना विजेता छनोट भएका छन्। पहिलो चरणमा भने एक जना बम्पर विजेतासहित १४ जना विजेता घोषणा गरिएको थियो।

कार्यक्रमले बिल लिने र डिजिटल माध्यमबाट दर्ता गर्ने अभ्याससँगै क्यूआर तथा अनलाइन बैंकिङमार्फत हुने कारोबारलाई समेत प्रोत्साहन गरेको अर्थ मन्त्रालयले जनाएको छ।