१० बैशाख २०८३ काठमाडौं – सरकारले संसद् अधिवेशन स्थगन गर्न राष्ट्रपति कार्यालयमा सिफारिस गरेको छ। बिहीबार बसेको मन्त्रिपरिषद्को बैठकको निर्णयअनुसार सिफारिस पत्र शीतलनिवास पठाइएको थियो।

सोही सिफारिसका आधारमा राष्ट्रपति रामचन्द्र पौडेलले संसद् अधिवेशन स्थगन गर्ने निर्णय गरेको राष्ट्रपति कार्यालय स्रोतले जनाएको छ। स्रोतका अनुसार सरकारको सिफारिसअनुसार नै निर्णय गरिएको हो। ‘सिफारिस पत्रमा जे आएको थियो, त्यही बमोजिम निर्णय भएको छ,’ स्रोतले उल्लेख गरेको छ।

यसअघि मन्त्रिपरिषद्कै सिफारिसमा राष्ट्रपति पौडेलले वैशाख १७ गते बिहीबार दिउँसो २ बजेका लागि संघीय संसद्का दुवै सदनको अधिवेशन आह्वान गरेका थिए।

सरकारले पछिल्लो निर्णयमार्फत अधिवेशन स्थगन गर्ने प्रक्रिया अघि बढाएको हो।