२१ फाल्गुन,२०८२ काठमाडौं– आज प्रतिनिधि सभा निर्वाचन सम्पन्न भएपछि नेपालस्थित अमेरिकी दूतावासले नेपाली जनतालाई सामाजिक सञ्जालमार्फत बधाई दिएको छ।

दूतावासले भनेको छ, “निर्वाचन शान्तिपूर्ण र सफलतापूर्वक सम्पन्न भएकोमा नेपाली जनतालाई हार्दिक बधाई। आगामी सरकारले दुवै देशको समृद्धि र सुरक्षासम्बन्धी साझा लक्ष्यहरूमा सहकार्य गर्ने आशा राख्छौँ।”

यसैसँगै अमेरिकी दूतावासले लोकतान्त्रिक प्रक्रियामा नेपाली नागरिकको सक्रिय सहभागिताको प्रशंसा गर्दै आगामी दिनमा नेपाल–अमेरिका सहकार्य अझ सुदृढ हुने विश्वास व्यक्त गरेको छ।