१५ माघ,२०८२ सिन्धुपाल्चोक – विद्यार्थीमाथि यौन दुर्व्यवहार गरेको आरोपमा चौतारा साँगाचोकगढी नगरपालिका–१२ स्थित जनजागृति माध्यमिक विद्यालयका शिक्षक जितराज गिरी पक्राउ परेका छन्।

प्रहरीका अनुसार गिरीले १२ वर्षीया कक्षा ७ की छात्रालाई आफ्नो स्टेशनरी पसलमा यौन दुर्व्यवहार गरेको आरोप लागेको छ। पीडित बालिकाका आफन्तले प्रहरीमा जाहेरी दिएका छन् र अनुसन्धानका लागि म्याद थपको प्रक्रिया अघि बढाइएको छ।

आरोपित गिरीले आफूले ‘माया गरेर गाला मात्र छोएको’ दाबी गर्दै आएका छन्। घटनापछि विद्यालयमा तनाव फैलिएको थियो र अभिभावकहरु समेत आएर छलफल गरेका थिए। प्रहरीले अवस्था नियन्त्रणमा लिएर अनुसन्धान अगाडि बढाएको छ।