११ माघ,२०८२ काठमाडौं – निर्वाचन आयोगले राजनीतिक दल तथा उम्मेदवारलाई घरदैलो, सभा–सम्मेलन वा र्यालीमा दसभन्दा बढी राष्ट्रिय झण्डा प्रयोग गर्न नपाउने स्पष्ट पारेको छ।

आयोगका अनुसार जुलुस, आमसभा, कोणसभा, घरदैलो भेटघाट वा जुनसुकै प्रकारको र्याली गर्दा दसभन्दा बढी राष्ट्रिय झण्डा राख्नु आचारसंहिता विपरीत हुने व्यवस्था गरिएको छ।

पछिल्लो समय उम्मेदवारहरूले मत माग्ने अभियान तथा प्रचारका क्रममा झण्डा अधिक प्रयोग गर्न थालेपछि आयोगले यसप्रति आपत्ति जनाउँदै राष्ट्रिय झण्डाको गरिमा र सम्मान कायम राख्न यस्तो निर्णय गरेको जनाएको छ।