८ पुस,२०८२ काठमाडौं— जेनजी आन्दोलनका क्रममा भएका घटनाको छानबिनका लागि गठित जाँचबुझ आयोगले तत्कालीन गृहमन्त्री तथा नेपाली कांग्रेसका नेता रमेश लेखकलाई बयानका लागि उपस्थित हुन पत्र पठाएको छ।

आयोगका अध्यक्ष गौरीबहादुर कार्कीले जानकारी दिँदै मंगलबार लेखकलाई बयानका लागि पत्र काटिएको बताए। तर, तत्कालीन प्रधानमन्त्री केपी शर्मा ओलीलाई भने हालसम्म पत्र नपठाइएको उनले स्पष्ट पारे।

आयोगले जेनजी आन्दोलनका क्रममा भएका गतिविधि, निर्णय प्रक्रिया तथा जिम्मेवारीबारे सत्यतथ्य पत्ता लगाउने उद्देश्यले सम्बन्धित पक्षसँग बयान लिँदै आएको छ।