८ पुस,२०८२ काठमाडौं— जाँचबुझ आयोगले तत्कालीन गृहसचिव गोकर्णमणि दुवाडी, नेपाल प्रहरीका आईजीपी चन्द्रकुवेर खापुङ र काठमाडौंका प्रमुख जिल्ला अधिकारी (सीडीओ) छविलाल रिजालको स्थानहद फुकुवा गरेको छ। आयोगका उपसचिव कमलप्रसाद पाण्डेले मंगलबार पठाएको पत्रमार्फत उनीहरूको स्थानहद फुकुवा गरिएको जानकारी गराइएको हो।

पत्रमा उनीहरूलाई विदेश भ्रमण गर्न समेत अनुमति दिइएको उल्लेख छ। आयोगका अनुसार सम्बन्धित सबैको बयान सकिएकाले स्थानहद फुकुवा गरिएको हो। यसअघि गुप्तचर विभागका तत्कालीन प्रमुख हुतराज थापाको बयान पूरा भएपछि उनको पनि स्थानहद फुकुवा गरिएको थियो।

गत भदौ २३ र २४ गते भएको जेनजी आन्दोलनका क्रममा भएका घटनाबारे छानबिन गर्नुपर्ने भन्दै जाँचबुझ आयोगले ती अधिकारीहरूलाई स्थानहद तोकेको थियो।