असोज २२, २०८२ काठमाडौं– भारतको मध्य प्रदेशमा विषाक्त कफ सिरप सेवनबाट मृत्यु हुने बालबालिकाको संख्या २० पुगेको छ। पछिल्लो २४ घण्टामा थप तीन बालबालिकाले ज्यान गुमाएका छन्। मृतकको उमेर २ देखि अढाई वर्षबीचको रहेको छ।

छिन्दवाडामा १७, पन्धुर्णामा १ र बैतुलमा २ बालबालिकाको मृत्यु भएको छ। नागपुरमा पाँच बालबालिका गम्भीर अवस्थामा छन्।मध्य प्रदेशका उपमुख्यमन्त्री राजेन्द्र शुक्लाका अनुसार कफ सिरप उत्पादन गर्ने स्रेसन फार्मास्यूटिकल्सका मालिकको खोजीमा प्रहरी टोली चेन्नई र काचीपुरम पुगेको छ।

बाल मृत्युदर बढ्दै जाँदा भारत सरकार र ICMR ले ४ वर्षमुनिका बालबालिकालाई कफ सिरप नदिन आग्रह गरेको छ।