असोज २२, २०८२ काठमाडौं– जेनजी आन्दोलनमा संलग्न गैरसरकारी संस्था हामी नेपाल ले डिस्कर्ड सर्भरमा बम, विस्फोटक र हिंसात्मक गतिविधिबारे छलफल गर्न खोज्ने व्यक्तिहरूको रिपोर्ट बढ्दै गएको जनाएको छ। संस्थाका संयोजक सुधन गुरुङले बुधबार फेसबुकमार्फत यस्तो गतिविधि शान्तिपूर्ण आन्दोलनको सिद्धान्तविपरीत भएको बताउँदै सर्भरको दुरुपयोग नगर्न आग्रह गरेका छन्।

“यस सर्भरको उद्देश्य शान्तिपूर्ण छलफल र नागरिक सहभागिता हो,” भन्दै हामी नेपाल ले हिंसात्मक सामग्री पोस्ट गर्ने प्रयोगकर्तालाई प्रतिबन्ध लगाइने र सम्बन्धित निकायलाई जानकारी दिने चेतावनी दिएको छ।

संस्थाले यस्ता गतिविधि देखेमा प्रतिक्रिया नजनाई सिधै मोडरेसन टिमलाई रिपोर्ट गर्न आग्रह गरेको छ।