असोज १८, २०८२ काठमाडौं- देशभर परेको अविरल वर्षाका कारण उत्पन्न प्रतिकूल मौसमस्थितिका कारण आन्तरिक वायुसेवा प्रदायक बुद्ध एयरले आजका सबै उडानहरू रद्द गरेको छ। बुद्ध एयरले एक सूचना जारी गर्दै आज (शुक्रबार) का सबै उडान स्थगित गरिएको जानकारी गराएको हो।

मौसममा आएको असहजताको कारण यात्रुको सुरक्षालाई मध्यनजर गर्दै उडान रद्द गर्ने निर्णय गरिएको कम्पनीले जनाएको छ।उडान रद्द भएका यात्रुहरूलाई टिकट रिसेड्युल वा रिफन्डका लागि आ–आफ्नो ट्राभल एजेन्सी, पोर्टल वा बुद्ध एयरको कल सेन्टरमा सम्पर्क गर्न अनुरोध गरिएको छ।

देशभर लगातार परिरहेको वर्षाका कारण सडक यातायात मात्र होइन, हवाई सेवा पनि प्रभावित बनेको छ। प्रमुख राजमार्गहरू पहिरोका कारण अवरुद्ध हुँदा जनजीवन थप कष्टकर बन्दै गएको छ।