इरानको जेलबाट छुटेका पाँच नेपाली स्वदेश फर्काइए

प्रकाशित मिति

२०८२ श्रावण ९ गते, शुक्रबार ०१:५५

श्रावण ९,२०८२ काठमाडौं । इरानको जेलमा थुनामा रहेका पाँच नेपाली नागरिकलाई स्वदेश फर्काइएको छ। परराष्ट्र मन्त्रालयका अनुसार तेहरानको अदालतले थुनामुक्त गर्ने आदेश दिएपछि बिहीबार उनीहरूलाई काठमाडौं ल्याइएको हो।

उनीहरूको उद्धारमा तेहरानस्थित नेपाली अवैतनिक वाणिज्यदूत र अन्तर्राष्ट्रिय आप्रवासन संगठनको सहयोग रहेको मन्त्रालयले जनाएको छ। यद्यपि मन्त्रालयले उनीहरूको नाम सार्वजनिक नगरेको हो। यसअघि पनि इरान–इजरायल द्वन्द्वका क्रममा नौ नेपाली नागरिकलाई तीन चरणमा उद्धार गरी फर्काइएको थियो।