स्वतन्त्र निकायलाई निष्कर्ष निकाल्न दिनुपर्छ, मेरो सहयोग रहनेछ : गृहमन्त्री लेखक

प्रकाशित मिति

२०८२ जेष्ठ १४ गते, बुधबार ०५:४७

काठमाडौं । भिजिट भिसा प्रकरणमा मुछिएका गृहमन्त्री रमेश लेखकले यस प्रकरणको अनुसन्धानमा आफ्नो सहयोग रहने बताएका छन्। आफूलाई लागेको आरोपबारे बुधबार पत्रकार सम्मेलनमार्फत जवाफ दिँदै उनले त्यसको स्वतन्त्र निकायले छानबिन गर्नुपर्ने मत राखे।

उनले संवैधानिक निकायले गर्ने कामकारबाहीलाई मेरो सहयोग हुने बताएका छन् । स्वतन्त्र निकायलाई स्वतन्त्र अनुसन्धान गर्न दिएर निष्कर्ष निकाल्न दिनुपर्छ।’ लोकतन्त्र र विधिको शासनका लागि आफू लड्दै आएको भन्दै उनले आफ्नो व्यवहारले पनि त्यसलाई पुष्टि गर्ने उनले बताए।