नेपाल राष्ट्र बैंकको गभर्नर सिफारिस समितिले फेरि पूर्णता पाएको छ। बुधबार बसेको मन्त्रिपरिषद् बैठकले डा. पोषराज पाण्डेलाई समिति सदस्यमा नियुक्त गर्ने निर्णय गरेसँगै समिति पुनः सक्रिय बनेको हो। समितिका सदस्य डा. विश्व पौडेलले राजीनामा दिएपछि खाली भएको पदमा पाण्डेले स्थान लिएका हुन्।

यसअघि पनि सिफारिस समितिमा निरन्तर सदस्यहरू फेरबदल भइरहेका थिए। पूर्व गभर्नर विजयनाथ भट्टराईले राजीनामा दिएपछि त्यस पदमा तत्कालीन गभर्नर महाप्रसाद अधिकारीलाई नियुक्त गरिएको थियो।

डा. पौडेलभन्दा पहिले पनि डा. भट्टराईले नै राजीनामा दिँदै पद खाली गरेका थिए। तिनै क्रमहरूको निरन्तरतामा अब पाण्डेको नियुक्तिसँगै समिति फेरि पूर्ण भएको छ।