असोज १७, २०८० काठमाडौँ: अख्तियार दुरुपयोग अनुसन्धान आयोगले जल उत्पन्न प्रकोप नियन्त्रण कार्यालय लमही दाङका इन्जिनियर रामबहादुर रानाभाटले अवैध आम्दानी गरेको दाबी गर्दै भ्रष्टाचार मुद्दा दायर गरेको छ।

आयोगले रानाभाटले ३ करोड १५ लाख ८१ हजार ६६ रुपैयाँ अवैध आम्दानी गरेको दाबी गर्दैै विशेष अदालत काठमाडौँमा मुद्दा हालेको हो।

उनी सार्वजनिक सेवामा २०४६ असार ३० गते प्रवेश गरेपति गत कात्तिक ६ सम्मको समग्र आम्दानी खर्चको विवरण भिडाउँदा उनले तीन करोड भन्दा बढी अवैध आम्दानी गरेको पुष्टि हुन आएको आयोगका प्रवक्ता भोला दाहालले जानकारी दिए ।