काठमाडौँ महानगरका विद्यालयमा कांग्रेस भातृ संगठन नभएको घोषणा गर्दछौँ : बालेन

प्रकाशित मिति

२०८० असार २० गते, बुधबार ११:५८

२० असार २०८०, काठमाडौँ : काठमाडौँ महानगरपालिकाका मेयर बालेन शाहले नेपाली कांग्रेसका महामन्त्री गगन थापालाई कटाक्ष गरेका छन् । महामन्त्री थापाले सोमबार एक कार्यक्रममा राजनीतिक दलको झोला बोकेर विश्वविद्यालय छिर्न पाइँदैन भन्ने कुरालाई स्थापित गर्नुपर्ने बताएका थिए ।

थापाको भनाइप्रति कटाक्ष गर्दै मेयर शाहले काठमाडौँ महानगरका विद्यालय, शिक्षण संस्था, कार्यालयमा कांग्रेस पार्टीको भातृ संगठन नभएको घोषणा गरेका हुन् । मेयर शाहले बोलेको कुरा पुरा गर्न महामन्त्री थापालाई आग्रह गरेका छन् ।