ओलीको निर्देशन : चुनावकेन्द्रित भएर गाउँ–गाउँ पुग्नू
प्रकाशित मिति
२०७८ चैत्र २ गते, बुधबार ०६:२९
२ चैत्र २०७८, काठमाडौँ : नेकपा एमालेका अध्यक्ष केपीशर्मा ओलीले सांसदहरूलाई निर्वाचनकेन्द्रित हुन निर्देशन दिएका छन् । आज बसेको पार्टीको संसदीय दलको बैठकमा अध्यक्ष ओलीले आफ्नो हैसियत र मर्यादा नखोजी कार्यकर्ता जस्तो भएर स्थानीय तहको निर्वाचनमा खट्न निर्देशन दिएका हुन् ।
उनले चुनावकेन्द्रित भई गाउँ–गाउँमा पुगेर केन्द्रीय गतिविधि र संसद विघटनको विषयमा पार्टीको धारणा जनतासमक्ष राख्न पनि सांसद्सँग आग्रह गरेको एमाले संसदीय दलका प्रमुख सचेतक विशाल भट्टराईले जानकारी दिए । अध्यक्ष ओलीले स्थानीय चुनावमा एमालेले ६५ देखि ७० प्रतिशत स्थानमा जित हासिल गर्ने दाबी पनि गरेका थिए ।
उनले केही ठाउँमा तालमेल भए पनि अधिकतर ठाउँमा एमाले एक्लै प्रतिस्पर्धा गर्नेसमेत बताएको भट्टराईले जानकारी दिए ।
प्रतिकृया