१६ मंसिर २०७८, काठमाडौं : नेपाली कांग्रेसको बागमती प्रदेशको अधिवेशन हेटौंडामा सुरु भएको छ। अधिवेशनको कांग्रेस सभापति एवं प्रधानमन्त्री शेरबहादुर देउवाले भर्चुअलमार्फत उद्घाटन गरेका छन् ।

उद्घाटन सभारोहका लागि हेटौंडाको बुद्धचोकदेखि फरेष्टी क्याम्पस सम्म हजारौं नेता कार्यकर्ताले र्याली निकालेका थिए । पहिलो चोटी हुन लागेको कांग्रेसको प्रदेश अधिवेशनले हेटौंडा कांग्रेसमय बनेको छ ।

कार्यक्रमको लागि सुरक्षाको प्रबन्ध मिलाइएको छ भने कांग्रेसको तर्फबाट पनि स्वयमसेवक खटाइएको छ । बजारका मुख्यमुख्य स्थानमा कांग्रेसको झण्डा तथा प्रचारप्रसारका सामग्री टाँगिएको छ ।

प्रदेश सभापतिमा देउवा पक्षबाट मकवानपुर जिल्ला सभापति तथा बागमती प्रदेश संसदीय दलका नेता इन्द्र बानियाँले उम्मेदवारी घोषणा गरेका छन् ।