हिलिहाङ गाउँपालिका-६ सिटे भन्ने स्थानमा एनएमबि माईक्रो फाईनान्स बित्तिय संस्थामा कार्यरत २१ वर्षीया सुजाता तामाङलाई धारिलो हतियार प्रयोग गरी हत्या गरी फरार रहेका अभियुक्त सोही स्थान बस्ने १९ वर्षीय अस्मिन भन्ने घनेन्द्र लावतीलाई बिहीबार प्रहरीले पक्राउ गरेको छ ।
गत जेठ ३ गते सुजाता तामाङको हत्या भएको घटनामा संलग्न फरार अभियुक्तको खोजी गर्ने क्रममा घटनामा संलग्न अभियुक्त लावतीलाई सोही गाउँपालिकामा लुकी छिपि बसेको अवस्थामा जिल्ला प्रहरी कार्यालय पाँचथरबाट खटिएको प्रहरीले फेला पारी पक्राउ गरेको हो । उनको साथबाट १ थान खुकुरी र हत्या पश्चात लुटी लगेको नगद ८१ हजार ७० रुपैयाँ समेत प्रहरीले बरामद गरेको छ ।
यस सम्बन्धमा प्रहरीले थप अनुसन्धान गरिरहेको छ ।