३ भदौ २०८३ काठमाडौं – नेपाल इन्भेष्टमेण्ट मेगा बैंक लिमिटेडले पाँच जना संस्थापक शेयरधनीहरूको नाममा रहेको १ लाख ७४ हजार ८८७ कित्ता संस्थापक शेयर बिक्रीमा राखेको छ । बैंकका अनुसार संस्थापक शेयर बिक्री गर्दा पहिलो प्राथमिकता विद्यमान संस्थापक शेयरधनीलाई दिनुपर्ने प्रावधानअनुसार हाल उक्त शेयर बैंकका विद्यमान संस्थापक शेयरधनीले मात्रै खरिद गर्न पाउनेछन् ।

शेयर खरिद गर्न इच्छुक संस्थापक शेयरधनीले आवश्यक कागजातसहित आगामी ३५ दिनभित्र आफूले खरिद गर्न चाहेको शेयर संख्या र प्रस्तावित मूल्य खुलाएर कमलादीस्थित बैंकको शेयर रजिष्ट्रारको कार्यालयमा निवेदन दिनुपर्नेछ ।

तोकिएको समयावधिभित्र विद्यमान संस्थापक शेयरधनीबाट शेयर खरिदका लागि आवेदन नपरेमा बाँकी शेयर अन्य प्रक्रियामार्फत बिक्री गर्ने प्रक्रिया अघि बढाइने बैंकले जनाएको छ ।