२२ जेठ २०८३ काठमाडौं – जिल्ला प्रशासन कार्यालय सिरहाले एसइई र कक्षा १२ परीक्षाका क्रममा जफत गरिएका करिब ५०० मोबाइल फोन तथा स्मार्ट घडी नष्ट गरेको छ।प्रशासनका अनुसार सातवटा आईफोन, ४८९ एन्ड्रोइड मोबाइल र पाँचवटा स्मार्टवाच गरी एक करोड रुपैयाँभन्दा बढी मूल्यका उपकरण दुरुपयोग रोक्न नष्ट गरिएको हो।

तर अभिभावक र कानुन व्यवसायीहरूले व्यक्तिगत सम्पत्ति नष्ट गर्नु कानुनी रूपमा विवादास्पद भएको भन्दै निर्णयमाथि प्रश्न उठाएका छन्। प्रशासनले भने शिक्षा ऐन र जिल्ला परीक्षा समन्वय समितिको निर्णयअनुसार उपकरण नष्ट गरिएको दाबी गरेको छ।