१९ जेठ २०८३ काठमाडौं – प्रतिनिधिसभाको नयाँ नियमावली सार्वजनिक गरिएको छ। संसद् सचिवालयले प्रतिनिधिसभा नियमावली, २०८३ आफ्नो वेबसाइटमा राखेको जनाएको छ।

गत आइतबार बसेको प्रतिनिधिसभा बैठकबाट बहुमतका आधारमा नियमावली पारित भएको थियो। नियमावली पारित गर्ने क्रममा सदनमा पक्ष–विपक्षबीच तीव्र विवाद र नाराबाजी भएको थियो।

विपक्षी दलहरूको विरोधका बीच सभामुख डोलप्रसाद अर्याल ले प्रक्रिया अगाडि बढाउँदै नियमावली निर्णयार्थ प्रस्तुत गरेका थिए। त्यसक्रममा सदनमा केहीबेर तनावपूर्ण अवस्था सिर्जना भएको थियो।

पारित नियमावली अहिले संसद् सचिवालयको वेबसाइटमार्फत सार्वजनिक गरिएको छ।