१५ जेठ २०८३ काठमाडौं – सरकारले सरकारी कर्मचारीको तलब वृद्धि गर्ने घोषणा गरेको छ । आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री स्वर्णिम वाग्ले ले सुरु स्केलमा १० प्रतिशत तलब वृद्धि गरिएको जानकारी दिएका छन् ।

पछिल्लो चार वर्षदेखि तलब नबढेको अवस्थालाई ध्यानमा राख्दै हालको महँगी भत्ता समेत समावेश गरी तलब संरचना पुनः समायोजन गरिएको उनले बताए ।

यसअनुसार कार्यसम्पादनको आधारमा पारिश्रमिक प्रणाली सुरु गर्दै नयाँ तलबमानअनुसार मासिक १० प्रतिशत प्रोत्साहन भत्ता समेत व्यवस्था गरिएको छ ।

सरकारका अनुसार समग्र रूपमा करिब २१ प्रतिशतसम्म तलब वृद्धि हुने र ग्रेडसहित न्यूनतम तलब करिब ४० हजारदेखि एक लाख रुपैयाँभन्दा माथिसम्म पुग्ने अपेक्षा गरिएको छ ।