सरकारले सामाजिक सुरक्षा भत्ता स्वेच्छिक रूपमा त्याग्न आह्वान गर्दै नयाँ अभियान घोषणा गरेको छ । सङ्घीय संसद्मा आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री स्वर्णिम वाग्ले ले “सक्नेले छोडौँ, नसक्नेले लिउँ” भन्ने अवधारणासहित सामाजिक सुरक्षा भत्ता स्वेच्छिक रूपमा त्याग्न सकिने व्यवस्था सुरु गरिएको जानकारी दिएका हुन् ।

सरकारका अनुसार आर्थिक रूपमा सक्षम नागरिकले स्वेच्छाले भत्ता नलिने निर्णय गर्न सक्नेछन् । त्यस्तो अवस्थामा बचत भएको रकम वास्तविक रूपमा आवश्यक पर्ने नागरिकसम्म पुर्‍याइनेछ । यसबाट सामाजिक सुरक्षा कोषलाई दीगो रूपमा व्यवस्थापन गर्न सहयोग पुग्ने अपेक्षा गरिएको छ ।

यस्तै, भत्ता त्याग गर्ने नागरिकलाई सरकारले आवश्यक सहयोग तथा सहजीकरण गर्ने पनि घोषणा गरिएको छ ।