१३ जेठ २०८३ काठमाडौं – स्वास्थ्य बीमा कार्यक्रमअन्तर्गत निजी स्वास्थ्य संस्थाबाट प्रदान हुँदै आएका आकस्मिक बाहेकका सबै सेवा बन्द भएका छन् । स्वास्थ्य बीमा बोर्ड ले बढ्दो वित्तीय संकटलाई कारण देखाउँदै जेठ १६ गतेदेखि लागू हुने गरी निजी स्वास्थ्य संस्थाबाट दिइने स्वास्थ्य बीमासम्बन्धी गैर–आकस्मिक सेवा स्थगन गर्ने निर्णय गरेको हो ।

बोर्डको जेठ ११ गते बसेको बैठकले अर्को निर्णय नभएसम्म नेपाल सरकारको स्वास्थ्य बीमा कार्यक्रममा आबद्ध निजी स्वास्थ्य संस्थामा आकस्मिक सेवा मात्रै सञ्चालन हुने जनाएको छ ।

यस निर्णयपछि बीमित सेवाग्राहीले निजी अस्पताल तथा स्वास्थ्य संस्थाबाट बीमाअन्तर्गत नियमित उपचार सेवा लिन नपाउने भएका छन् ।