इमानदार व्यवसायीका लागि लगानीमैत्री वातावरण बनाइन्छ : अर्थमन्त्री वाग्ले

प्रकाशित मिति

२०८३ बैशाख २० गते, आईतवार १०:४९

२० बैशाख २०८३ काठमाडौं- स्वर्णिम वाग्लेले इमानदार उद्यमी तथा व्यवसायीका लागि लगानीमैत्री वातावरण निर्माण गर्ने बताएका छन् । राजधानीमा आयोजित कार्यक्रममा उनले निजी क्षेत्रलाई प्रोत्साहन गर्ने स्पष्ट नीतिगत व्यवस्था ल्याइने उल्लेख गर्दै अपराधजन्य गतिविधिमा संलग्नलाई कडा कारबाही गरिने बताए ।

उनका अनुसार सरकारले सुशासन, कर सुधार र सम्पत्ति सुरक्षामा ध्यान दिँदै स्वदेशी तथा विदेशी लगानी आकर्षित गर्ने नीति लिनेछ । साथै, आगामी बजेटमार्फत उदार अर्थतन्त्रतर्फ अघि बढ्ने तयारी पनि रहेको उनले जानकारी दिए ।