१४ बैशाख २०८३ काठमाडौं-  नेपाली कांग्रेस प्रतिनिधिसभा संसदीय दलको नेतामा भीष्मराज आङदेम्बे निर्वाचित भएका छन्। सोमबार बसेको संसदीय दलको बैठकले उनलाई निर्विरोध रूपमा दलको नेता चयन गरेको हो। निर्वाचन समितिका संयोजक तथा सहमहामन्त्री प्रकाश रसाइलीले आङदेम्बे निर्विरोध निर्वाचित भएको जानकारी दिएका छन्।

दलको नेताका लागि करिब दुई महिनादेखि रस्साकस्सी चलिरहेको थियो। यसअघि अर्जुननरसिंह केसी र मोहन आचार्यले पनि दाबी गरेका थिए।

तर अन्ततः पार्टीको कार्यसम्पादन समितिमा भएको सहमतिपछि आङदेम्बेलाई निर्विरोध दलको नेता बनाउने निर्णय गरिएको हो।