६ बैशाख २०८३ काठमाडौं –  प्रभु बैंक लिमिटेड ले २ लाख ४४ हजार १२४ कित्ता संस्थापक शेयर सर्वसाधारणका लागि बिक्रीमा राखेको छ। बैंकका अनुसार संस्थापक शेयरधनी किरण देवी अग्रवालको ११ हजार ८७ कित्ता, विनोद थकालीको २ लाख कित्ता र दुर्गा बहादुर श्रेष्ठको ३३ हजार ३७ कित्ता शेयर बिक्रीमा राखिएको हो।

यसअघि उक्त शेयर विद्यमान संस्थापक शेयरधनीलाई प्राथमिकता दिँदै ३५ दिनको समय दिइएको थियो। तर, सो अवधिमा शेयर बिक्री नभएपछि अब सर्वसाधारणका लागि खुला गरिएको बैंकले जनाएको छ।

इच्छुक सर्वसाधारणले आवश्यक कागजातसहित आगामी १५ दिनभित्र काठमाडौंको बबरमहलस्थित बैंकको केन्द्रीय कार्यालयमा आवेदन दिन सक्नेछन्।