२५ चैत,२०८२ काठमाडौं – बालेन्द्र शाह (बालेन) ले आज विदेशी राजदूतहरूसँग सामूहिक भेटवार्ता गर्ने भएका छन्। प्रधानमन्त्रीका राजनीतिक सल्लाहकार असीम शाहका अनुसार परराष्ट्रमन्त्री शिशिर खनाल सहितको यो सामूहिक संवादले कूटनीतिक अभ्यासमा नयाँ मापदण्ड स्थापित गर्ने अपेक्षा गरिएको छ।

उक्त भेटवार्ता दिउँसो १२ बजे सिंहदरबार स्थित प्रधानमन्त्री तथा मन्त्रिपरिषद्को कार्यालयमा हुने जनाइएको छ। यसअघि प्रधानमन्त्री नियुक्त भएपछि विदेशी राजदूतहरूसँग एक्लाएक्लै भेट गर्ने प्रचलन रहेकोमा यसपटक सामूहिक रूपमा संवाद गर्न लागिएको हो।

भेटवार्तामा परराष्ट्र सचिव अमृतबहादुर राई लगायत प्रधानमन्त्री तथा मन्त्रिपरिषद् कार्यालयका वरिष्ठ अधिकारीहरूको पनि सहभागिता रहने बताइएको छ।