११ चैत,२०८२ काठमाडौं- राष्ट्रिय स्वतन्त्र पार्टी (रास्वपा)को केन्द्रीय समिति बैठकपछि संसदीय दलको बैठक बिहीबार बस्ने भएको छ। बैठकमा बालेन शाहलाई संसदीय दलको नेता चयन र अन्य एजेण्डा छलफल गरिनेछ।

पुस १३ गते भएको ७ बुँदे सहमति अनुसार रवि लामिछाने पार्टी सभापति र बालेनलाई भावी प्रधानमन्त्रीको उम्मेदवार बनाउने सहमति भइसकेको छ। पार्टी सचिवालय सदस्यहरूले संसदीय दलको नेता बनाउन कुनै समस्या नरहेको बताएका छन्।

संसदीय दलको बैठक दिउँसो ५ बजे बस्नेछ र नयाँ सांसदहरूले पद तथा गोपनीयताको शपथ लिने कार्यक्रम सिंहदरबारमा तय गरिएको छ। रास्वपाले स्पष्ट बहुमत ल्याएकाले संविधानको धारा ७६(१) अनुसार बालेनलाई प्रधानमन्त्रीमा नियुक्त गरिनेछ।