२३ फाल्गुन,२०८२ काठमाडौं- काठमाडौं क्षेत्र नम्बर ९ बाट प्रतिनिधिसभा सदस्यमा डोलप्रसाद अर्याल (डिपी अर्याल) विजयी भएका छन्। राष्ट्रिय स्वतन्त्र पार्टी (रास्वपा) का उम्मेदवार अर्यालले ३५ हजार ९३ मत प्राप्त गर्दै जीत हासिल गरेका हुन्।

उनका निकटतम प्रतिस्पर्धी नेपाली कांग्रेस की उम्मेदवार नानुमैया बास्तोला ले ५ हजार ४६० मत प्राप्त गरिन्। मुख्य निर्वाचन अधिकृतको कार्यालयका अनुसार नेकपा एमाले का अजयक्रान्ति शाक्य ले ४ हजार ५८० मत, राष्ट्रिय प्रजातन्त्र पार्टी का दिलकुमार कार्की ले १ हजार ४५७ मत तथा नेपाली कम्युनिस्ट पार्टी का राधाकृष्ण महर्जन ले १ हजार ३२८ मत प्राप्त गरेका छन्।

बिहीबार सम्पन्न प्रतिनिधिसभा सदस्य निर्वाचनमा उक्त निर्वाचन क्षेत्रमा विभिन्न राजनीतिक दल तथा स्वतन्त्र गरी २४ जना उम्मेदवार प्रतिस्पर्धामा रहेका थिए।