२२ पुस,२०८२ काठमाडौं –  साताको कारोबारको तेस्रो दिन मंगलबार शेयर बजार झिनो अंकले उकालो लागेको छ। नेपाल स्टक एक्सचेञ्ज (नेप्से) परिसूचक ९.९३ अंकले बढेर २६४९.३० बिन्दुमा कायम भएको छ।

बजार बढेसँगै आज विभिन्न क्षेत्रका १ करोड ४८ लाख ३१ हजार कित्ता शेयर खरिद–बिक्री हुँदा कुल कारोबार रकम ७ अर्ब १२ करोड ३३ लाख रुपैयाँ पुगेको छ। यसमध्ये एसवाई प्यानलको मात्रै २४ करोड ८८ लाख रुपैयाँ बराबरको शेयर कारोबार भएको छ।

त्यस्तै, बुटवल पावर कम्पनीको २३ करोड ६७ लाख रुपैयाँ, शिवम् सिमेन्टको २३ करोड ४७ लाख रुपैयाँ र बन्दीपुर केवलकारको २१ करोड रुपैयाँ बराबरको शेयर कारोबार भएको छ।