काठमाडौं – नेकपा एमालेका अध्यक्ष तथा पूर्वप्रधानमन्त्री केपी शर्मा ओलीको स्थानहद फुकुवा भएको छ। भदौ २३ र २४ गतेको जेनजी आन्दोलनका क्रममा तत्कालीन प्रधानमन्त्री रहेका ओलीमाथि उच्चस्तरीय जाँचबुझ आयोगले स्थानहद लगाएको थियो।

आयोगका प्रवक्ता पूर्व एआईजी विज्ञानराज शर्माका अनुसार सोमबार बसेको बैठकले ओलीको स्थानहद फुकुवा गर्ने निर्णय गरेको हो। आन्दोलनसम्बन्धी सोधपुछ सकिएकाले विदेश भ्रमण रोक्का तथा उपत्यका नछाड्ने निर्णयको औचित्य समाप्त भएको आयोगले जनाएको छ।

आइतबार ओलीले राष्ट्रिय मानव अधिकार आयोगमा करिब साढे दुई घण्टा बयान दिएका थिए भने जाँचबुझ आयोगसमक्ष पनि लिखित स्टेटमेन्ट बुझाएका थिए।