१३ पुस,२०८२ काठमाडौं — नेपाली कांग्रेसले समानुपातिक प्रणालीबाट पहिला सांसद बनेकाहरूलाई यसपटक उम्मेदवार नबनाउने निर्णय गरेको छ।समानुपातिकको बन्दसूचीमा राख्ने उम्मेदवारको नाम छनोट गर्न बसेको कार्यसम्पादन समितिको बैठकले यस्तो निर्णय गरेको हो।

समानुपातिक प्रणाली लागू भएयता ०६४, ०७०, ०७४ र ०७९ सालमा प्रतिनिधिसभा र प्रदेश सभामा सांसद बनेकाहरू यसपटकको सूचीमा समावेश नहुने भएको छ। कार्यसम्पादन समितिका एक सदस्यका अनुसार, “अहिलेसम्म मौका नपाएका नयाँ उम्मेदवारहरू कांग्रेसको समानुपातिक सूचीमा रहनेछन्।”

कांग्रेसको कार्यसम्पादन समितिको बैठक हाल पनि जारी छ र बैठकले समानुपातिक तर्फका उम्मेदवारको अन्तिम सूची टुंग्याउनेछ।