मंसिर १०, २०८२ काठमाडौं – नेकपा एमालेको ११औँ महाधिवेशनका लागि पहिलो सचिवालय बैठक आज बिहान पार्टी केन्द्रीय कार्यालय च्यासलमा बसेको छ। बिहान ८ बजेदेखि सुरु भएको बैठकमा विभिन्न १३ उपसमितिका संयोजकहरू समेत उपस्थित छन्।

बैठकले महाधिवेशनको नारा सार्वजनिक गरेको छ। प्रचार विभाग प्रमुख राजेन्द्र गौतमका अनुसार यस वर्षको महाधिवेशन नारा यस्तो छ, ‘निर्णायक राष्ट्रिय शक्ति निर्माणको संकल्प : समृद्ध नेपाल र सुखी नेपाली हाम्रो गन्तव्य’।

आगामी मंसिर २७ देखि २९ गतेसम्म हुने महाधिवेशनका तयारीलाई तीव्रता दिन सचिवालय बैठक बसेको पार्टी नेतृत्वले जनाएको छ।