मंसिर ७, २०८२ काठमाडौं – माइतीघर मण्डलामा आइतबार जेनजी आन्दोलनका घाइते कार्यकर्ता उपचाररत अवस्थामा बसिरहेका बेलामा राजतन्त्र समर्थकहरुले ‘राजा चाहियो’ भन्दै नाराबाजी गरेका छन्।

घाइतेको अगाडि नै गरिएको उक्त नाराबाजीपछि जेनजी आन्दोलनका सहभागी तथा समर्थकहरू आक्रोशित बनेका छन्। उनीहरूले घाइतेको संवेदनशील अवस्थालाई बेवास्ता गरी राजनीतिक नारा लगाउनु अमानवीय व्यवहार भएको बताएका छन्।

घटनापछि दुवै पक्षबीच केहीबेर मौखिक तनावसमेत भएको तर स्थिति थप जटिल नबनेको प्रहरीले जनाएको छ। जेनजी आन्दोलनका प्रतिनिधिहरूले घाइतेको उपचार र सुरक्षालाई प्राथमिकता दिन माग गर्दै अन्य समूहलाई संवेदनशीलताको सम्मान गर्न आग्रह गरेका छन्।