भदौ ३०,२०८२ काठमाडौं – नवनियुक्त अर्थमन्त्री रामेश्वर खनालले सोमबार दिउँसो अर्थ मन्त्रालयमा पुगेर पदभार ग्रहण गरेका छन्। यसअघि राष्ट्रपति रामचन्द्र पौडेलले उनलाई शीतल निवासमा आयोजित समारोहका बीच पद तथा गोपनीयताको शपथ दिलाएका थिए।

पदभार ग्रहण गरेलगत्तै मन्त्री खनालले टुक्रे र प्राथमिकतामा नरहेका आयोजना बजेटबाट हटाउनेबारे अध्ययन गर्न कार्यदल गठन गर्ने निर्णय गरेका छन्।

अर्थ मन्त्रालयमै लामो समय अनुभव सँगालेका खनालले केही समयअघि उच्चस्तरीय आर्थिक सुधार सुझाव आयोगको अध्यक्षका हैसियतमा तत्कालीन केपी ओली नेतृत्वको सरकारले करिब ४५० पृष्ठ लामो प्रतिवेदन बुझाएका थिए। अब उनले त्यही प्रतिवेदन कार्यान्वयन गर्ने जिम्मेवारी पाएका छन्।